Wafdigii ugu danbeeyay ee
ka soo ambabaxa degaanka Buuhoodle oo ay wadajir u
hogaaminayeen Suldaan Siciid Cismaan Cali iyo Caaqil
Maxamuud Xaaji Cumar Camey oo gaadhay Degmada Taleex.
(Taleex,
Jan 03, 2012 Ceegaag Online)
Waxaa maanta soo gaadhay
degmada Taleex oo ah meesha la dhigay gogosha wadatashiga
beelaha Dhulbahante wafti ballaadhan oo ka soo kicitimay
degaanka Buuhoodle iyagoo ka qaybgalaya shirkan wadatashiga.
Waxaa wafdigaas ku soo
dhaweeyay madasha shirka dadwaynaha iyo wufuudda ka
qaybgalaya shirka. Hadallo kooban oo uu halkaas ka jeediyay
Caaqil Camey ayuu ku sheegay in uu ku faraxsanyahay
imaantinka shirka uuna rajaynayo in ay ka soo baxaan natiijo
wanaagsan oo dan u ah beesha Dhulbahante. Waxaa kale oo
Buuhoodle ka siiraacay wafdigaas qurbajoog u dhalatay
degaannada Buuhoodle iyo Sool.
Wafdigan ayaa
noqonaya kii ugu danbeeyay ee ka ambabaxa
degaanka
Buuhoodle.
