Prof. Lafoole iyo Ardayda
Jaamacada Nugaal iyo Dugsiga sare ee MuuseYuusuf oo Taleex
Lagu Soo dhaweeyey.
(Taleex,
Jan 11, 2012 Ceegaag Online)
Waxaa saaka
subaxdii hore lagu soo dhaweeyey dagmada Taleex Gudoomiyaha
Jaamacada Nugaal Prof. C/risaaq Mohamed Aden (Lafoole),
ardayda Jaamacada Nugaal iyo ardayda dugsiga sare ee Muuse
yuusuf waxaaana soo dhawaynta Ardayda ka qayb Qaadanayey
Qurba Joogta Deeganadda SSC,iyo sidoo kale madaxa ciidamada
amaanka ee shirka khaatumo II.
Waxaa meel
magaalada Taleex ka baxsan kaga Hortagey wafdigan uu
hogaaminayay Prof. Lafoole madaxa Ciidanka Amaanka ee
Shirka Khaatumo2 C/rashiid Ismaaciil Dheere isagoo
sheegay inuu aad ugu faraxsan yahay maanta inay
Maamulka Jaamacada Nugaal iyo Ardayda Jaamacada Nugaal iyo
Iskuulka Muuse Yuusuf Soogaadhaan Madasha gogosho
Taalo ee Taleex isla markaana ay yihiin Jiilkii Soo kacayey
ee aayahooda Laga talinayey isla markaana ay yihiin madaxdii
Mustaqbalka.
Gudoomiyaha
Jaamacada Nugaal Prof. C/risaaq Mohamed Aaden (Lafoole) ayaa
ka mahadceliyay sidii diiraneed ee magaalada Taleex loogu
soo dhaweeyay waxa uuna sheegay inay ku faraxsanyihiin
in ay yimaadaan Madasha Shirka Wada Tashiga Beelaha
Dhulbahante ayna ka qayb qaadan doonaan geestooda
Hawlaha kaga aadan dhanka waxbarashadda.
Dhinaca kale waxaa
Waftifan Goob fagaare ah kula hadlay Kooxda G6 waxa ayna
sheegeen in ay ku faraxsanyihiin in ay yimaadan Taleex
Maamulayaasha Jaamacada Nugaal iyo Ardayda Jaamacada Nugaal
iyo Iskuulka sare ee Muuse Yuusuf.
